Já ég þarf aldeilis að fara vara mig hvað ég segi þegar að skottið er nálægt.
Í gær vorum við að fara borða og kattarófétið er búinn að væla þessi ósköp ( hann á svo bágt afþví að það er sko kalt úti og ef maður hleypir honum út þá er hann kominn inn skömmu síðar ). Varð mér á að segja við Sissó nú skjótum við helvítis köttinn !!!! ég meinti það svo innilega þarsem að hann var að gera mig brjálaða.
Addan mín varð miður sín .... en mamma maður skýtur ekki dýr og ekki Snúlla. Það tók smá tíma að útskýra fyrir henni að þetta væri grín þarsem að kötturinn væri orðinn svo þreytandi afþví að hann væri alltaf að mjálma.
Annað ... Addan okkar er búin að taka það upp að vakna milli 5-6 á morgnanna og kemur stormandi með Lúnu beint uppí rúm til okkar gallhörð á því að nú sé komin dagur og nú eigi að vakna. Látum vera að fá Öddu eina en þegar að þær koma saman hundurinn og Adda þá eru læti og knús og sleik sem að við erum kannski ekki tilbúin í daglega. Hefði ekki getað trúað því að ég myndi segja þetta en mikið verð ég fegin þegar að síðasti jólasveininn verður kominn !
Já svona er dýralífið á Ási.
Annars er allt af mér svona la la .... er í smá tilvistarkreppu hvað lífið ætlar mér. Finnst svoldið erfitt að sjá framar en tærnar á mér en ég ætla að nota jólin til að gera plön hvað mig langar að verða þegar að ég verð stór.
Hó hó hó .....
Engin ummæli:
Skrifa ummæli