Jæja það er kominn miðvikudagur og tími á að fara til hennar Valdísar Geðlæknis. Verð að viðurkenna að mér hlakkar bara til þarsem að ég er í mínu besta formi til þessa þannig að það verður gaman að vita hvort að það verði einhverjar lyfjabreytingar fyrirhugaðar.
Helga Rós komst útá völl seint og síðar meir og það eina sem gleymdist sem að við vitum um er gsm síminn hennar. Ójá nú þarf hún að vera án símanns. Og allra símanr. Bandaríkin tóku vel á móti henni allar töskur skoðaðar og hún var tekin og yfirheyrð og að endingu var Kolla sótt framm. Ó elsku Helga mín nú kannski skilur þú afhverju mamma þín var að ræða svona mikið um að Ameríka hefði breyst.
Við Lúna fórum með Öddu Steinu í leikskólann og tókum smá hring. Planið hjá mér er að taka þessa viku í að koma mér í göngugír og fara svo að fara í ræktina. Er ekki alveg tilbúin til að fara þangað ennþá.
Síðustu nætur hafa verið skrítnar. Mig er að dreyma heil ósköp og er eirðarlaus í svefni. Finn að það er eithvað að koma .... vona bara að þetta verði góðar minningar þegar og ef.
Ég var mjög stollt af mér í gær hvernig gekk. Ég keyrði heim af vellinum þrátt fyrir að pabbi hafi ætlað að keyra. Ég er alltaf að útskýra fyrir þeim að ég verði að fá að takast við lífið það þýðir ekki að pakka manni inní bómul og útiloka mann frá öllu því sem er að gerast í kringum mann. Held að fjölskyldan mín muni læra svoldið á þessu svona eftir á allavegana. Að tala hreint út um hlutina og hafa engin leyndamál sem leysast svo upp með hvelli og verða ennþá fáránlegri fyrir vikið. Ég meirað segja fór í Bónus með mömmu og pabba. Það hef ég ekki gert eftir að ég kom heim þ.e.a.s. að fara í búð. Mér tókst að halda haus með aðstoð kerrunnar. Er nefnilega að nota allskyns hjálpartæki til að koma mér í gegnum hlutina. Ef að maður stendur án þess að hafa neitt í höndunum þá er voðinn vís. Kvíðinn ógurlegi er ekki lengi að skríða inn ef að eithvað er.
Jæja ég ætla að fara klæða mig áður en ég fer til Rvk. Valey fer með mér því að ég er að venja mig af þeim ósið að borða og drekka og taka í símann á meðan að ég keyri. Ég var svo stressuð / kvíðin að þetta voru mín hjálpartæki eftir að ég fór að keyra eftir að ég fór inná LSH. Stundum eru þessi hjálpartæki ekki þau hollustu. En það verður að hafa svo ef að manni tekst að klára verkið. Það má alltaf venja sig af hinu.
Kv. Hafdís
Engin ummæli:
Skrifa ummæli